Corpus Van Reenen-Mulder (CRM14): Oorkonde F179p35701

Wj Johan te_ mersche en_ Euert ten walle . Schepene te Zutphen tughen mit desen brieue . dat vor ons comen is in scependoem . wijchmoed vriesinne die Aelts zassen wijf ghewesen hadde en_ bekande dat sij gheloeft heeft . Gysebert zassen eenre erfscheydinghe en_ eenre moetswoene te segghene tusschen Aelts zassen kind_en die hij heeft by wijchmoede vors_ en_ by sine_ jersten wiue die dochter was willem amekents van alre erfnisse en_ van allen güede . dat Aelt zasse vors_ acht_ ghelaten heeft . En_ want Gysebert zasse vors_ dese vors_ sake en_ dat segghe_ van der erfscheydinghe tusschen dien kind_en vors_ te segghene en_ ? vtene an hem ghenamen heeft / en_ wijchmoed vors_ daer niet by comen en mach dat segghe_ tot~fanghene als sij seghet so heeft sij Gerloch willems sone vor ons mechtich ghemaket dat vors_ segghen . va_ vrre weghe_ en_ vrre kind_e vors_ tontfane . en_ daer mede te doene en_ te latene ghelike vr selue_ . Jn oerku_de des hebbe wy onse segele ghehanghen an desen brief . Geghieue_ jnt jaer ons h_en . dusent drie hond_t seue_ en_ vijftich des vryedaghes na alre hylighen dach