Corpus Van Reenen-Mulder (CRM14): Oorkonde F179p37101

Wy . . Deken / en_ ghemeyne Capittel des godshuys va_ zutphe_ / doen ku_dich alle_ lude_ en_ ke_nen / Dat wy johanne van enghusen / en_ stynen ziberdincs sine_ witteliken wiue / Dat / van g_cien / en_ van vrienscappe_ verleent hebbe_ / Dat sy oft ore erfghename / alzulke tien auder guldenre scilde jaerliker re_ten / alze wy hebbe_ wt oren goede Ten wolde gheheyten vriendenborch / te betalen jaerlijcs op sente thomaes dach / des apostels / oft bi_ne_ vierte_nachten daer na / onbegrepen / na de_ brieue / dye daer op ghemaect is / weder ons hier~namaels alst vn staedt / op~dat det zy / binnen drye jaren / na date des teghenwardighen briefs / en_ zijt ons een half jaer te~voren zegghen / copen moghen / op den voers_ sente thomaes dach / dye coempt voer middewint_ / om hondert en_ twintich + auder gulde_re schilde / mu_ten des keysers va_ rome_ / of des conincs va_ vra_cRyke / goet va_ goude en_ swaer va_ ghewichte oft ghelike payme_t daer vore / in der tijt / na recht_ weerden / Behaudelike ons / der jaerpensye / dye men ons dan in + der tijt des voers_ coeps / op den vors_ sente thomaes dach sculdich is oft sculdich wesen sal . jn orcu_de deser dinghe / so hebbe + wy ons capittels zeghel / aen desen brieue gheha_ghen . Gegeue_ jnt jaer ons here_ / dusent drie + hondert / een en_ tseue_tich / op den lesten dach van + den meerte .