Corpus Van Reenen-Mulder (CRM14): Oorkonde F179p37201

Wij Richt_e en_ Scepenne to zutphen maken cont en_ kenlic alle_ luden mit desen apenne brieue en_ tughen dat vor ons in gerichte en_ Scependom gecome_ sijnt Andrees Cleppenberch ende Teybe sijn witlicke wijf mit om alse mit oere_ gecore_ mombaer daer to vor ons ordelicke en_ mit rechte . en_ becanden dat sie erflicke_ vercoft hebbe_ mit oere_ vryen wille_ opgedregen ende verteghen alse recht is / Euert Clinken ende sijne_ erfgename_ . een h˚ys en_ hofstede mit sijne_ tobeho_n gelegen in der Calenstrate_ tuschen h˚singhe Johans des br˚ne_ an die ene sijt en_ Stephens van den Corenmerket an die ander sijt . en_ also alse dat vors_ h˚ys mit alle sijne_ rechte wylnier plach to beho_n hille bolten . also dat om ordel ende recht wijsde dat sie ghien recht noch ansprake daer meer an behoelde_ en hebt Jn oerconde der waerheyt so hebbe wij ons stades segel an desen brief gehanghen / Gegeue_ jnt jaer ons h_en . dusent / drie + hond_t twee en_ tseue_tich des donredaghes na zonte bartolomeus dach een heyligen apostel