Corpus Van Reenen-Mulder (CRM14): Oorkonde F179p37301

Wij Richt_e en_ Scepenne to Zutphen maken cont en_ kenlic allen luden mit desen apenne brieue en_ tughen dat vor ons in gerichte en_ Scependom gecome_ sijnt Gherd van Crane_borch ende lubborch sijn witlicke wijf mit om alse mit oere_ gecore_ mo_baer daer to vor ons ordelicke en_ mit rechte en_ becanden dat sie erflicke ende eweliken vercoft hebbe_ mit oere_ vryen wille_ opgedrege_ ende verteghen alse recht is Johan grubbe_ en_ sijne_ erfgename_ twee pond jaerlicker rente_ ende pensien . vyt dyderickes huysinghe en_ woni_ghe van crane_borch des vors_ gherdes vader gelege_ by onsen rogghen~merkt tuschen johan Egghesen h˚ys an ene sijt en_ wilnier johan b˚ckinghs h˚ys an die ander sijt behoelden den hartoghen van gelre_ vijf pond en_ tyen Schillinghe / ende gherde knijf twee pond en_ vijf Schillinghe cleyne jaerlickes vyt der vors_ alingher husinghe en_ woni_ghen jn oerco_de der waerheyt so hebbe wij ons_ stades segel an desen brief gehanghen . Gegeue_ jnt jaer ons h_en dusent / drie + - hond_t drie en_ tseuentich op den achte_den dach van paeschen