Corpus Van Reenen-Mulder (CRM14): Oorkonde F179p37302

Wij Richt_e ende Scepenne to Zutphen maken cont en_ kenlic allen luden mit desen . apenne brieue en_ tughen . dat vor ons jn gerichte en_ Scependom . gecome_ is . Gryete wilnier johans witlicke wijf van drijne_ mit oere_ gecore_ mo_baer daer tho vor ons ordelicke en_ mit rechte / ende droch ons . aldaer op mit oere_ vrien willen erflicke_ ende tot ons_ stades behoef . voer oer en_ van oere kind_e weghen alse arnd en_ joha_ . dye sie hadde by johanne va_ drijne_ vors_ . en_ mit willen tho doene / en_ concente der vors_ kind_e meyne maghe dye daer mede an en_ auer w_en alse Gherd van drijne_ alphards soene en_ andrees ys_en van des vader weghen . boldewiin Schelew_t johan va_ der aa . en_ lubb_t van drijne_ va_ oere moeder weghen een huy˚s en_ hofstede gelegen b˚te_ ons_ Spittaels poerte_ tuschen h˚singhe henrickes van hellevoert an ene sijt / en_ streckende bylanghs dat wat_ an dye ander siit / en_ daer wij der seluer gryete_ en_ oere_ kind_en vors_ vor ghewijst en_ gegheue_ hebbe_ seestyen pond jaerlicker rente_ vyt ons_ stades gruy˚t daer sie ons_ stades ope_ne brief af hebbe_ . en_ hebbe_ ok mede vertheghen . alse gryete vorgen_ mit oere_ mo_baer en_ dye meyne maeghe vors_ va_ der seluer kind_e weghen op dat vors_ huy˚s tot behoef ons_ stad also dat sie daer ghien recht noch ansprake meer an behoelde_ en hebbe_ jn oerco_de der waerheyt so hebbe wij ons_ stades segel an desen brief gehanghen Gegeue_ jnt jaer ons h_en dusent / drie + hond_t drie en_ tseue_tich des Soenendaghes na sente joha_nes dach baptiste_