Corpus Van Reenen-Mulder (CRM14): Oorkonde F179p37401

Wij Coenraet van den walle En_ Gelijs yseren Scepen_ tot zutphen Tuughen mit desen apen_ brieue Dat vor Ons gecomen sint in scependoeme : Gese scaerdenberghes mit Oeren gecoeren mombaer dien sie mit rechte vor Ons wan : en_ drogen vp mit Oeren vrien willen . Gerloch kempinch alle dat recht : dat Gese vors_ Hadde : Of noch krighen mochte : an desen brieue : daer dit t_nsfix doer gesteken is : alzo dat Gerloch vors_ : des een recht maenre wesen zal : gelike Dat Gese vors_ : to~voeren was : alzo dat Ghese : vors_ en~ghien recht mer en behelt noch an~sprake : an desen brieue : daer dit t_nsfix doer gesteken is : ende Gerloch vors_ sinen vrien willen : mit den brieue doen mach . Jn een recht tuych der waerheyt : So heb wij Scepen_ vors_ Onse segelen an desen brief gehangen : Gegeue_ int jaer Ons heren Dusent drie hondert vijr en_ tzouentich des manendaghes na Ons_ vrouwe_ daghe ann_cia______