Corpus Van Reenen-Mulder (CRM14): Oorkonde F179p37501

. . wii dirc van den walle en_ andries Creinck scepene tot zutphe_ tuge_ dat vor ons in scepe_do_ gecome_ is Jacop van Blomendal ende becande eer der tiit dat hi in Echtscap qua_ mit heylewighe wilner heynen docht_ van vrede_ alse wert sake dat jacop eer afliuich w˚rde dan heylewich vors_ woer hi Echte leue_dighe b˚rt acht_~leet bi heylewige_ gewonne_ ofte en~ghene b˚rt / soe sal heylewich vors_ hebben alse vor or morgenghaue . van jacops gude . ander + half hondert guder alder scilde / die sii hebbe_ sal en_ gebruyke_ tot ore_ liue i_ recht_ liiftoght / mer nae orre doit soe sole_ die ander + half hondert older scilde weder erue_ en_ come_ vp jacops rechte Erf_ hiir waren auer alse bru~lachteslude van jacops wege_ gade aernts sone en_ jan van dorenb_gh en_ van heylewige_ wege_ henric van vrede_ or bruder Bense creynck or bole en_ gert van der capelle_ . En_ dar om soe is deser brieue twe / eens sprekende / der malc een heeft van beiden siden . Jn orco_de des soe heb wi onse seg_ an desen brief gehange_ . Geg_ in + den ja_e ons h_en M˚ CCC˚ viif en_ tsouentich des donredags nae sunte aghate_ dach