Corpus Van Reenen-Mulder (CRM14): Oorkonde F179p37801

Jc frederic steenbicker doe kunt en_ kennelic allen luden die desen breef solen zien of horen lesen dat also~dane lant Als ic hebbe van haues kinder tot oren lyue . dat ic al~so~dane recht als ic daer anne hebbe dat ic dat vercoft hebbe stephen hughinc ende sinen erfghenamen toe heffen en_ to bruken en_ to boren in al der maniren als des praestes breef van zutphen begrephen heuet en_ dat my daer . stephen vors_ en_ sine erfghenamen vol vor ghedaen hebben also dat se solen zitten in brukenisse . en_ in were ghelike my en_ minen erfghenamen also langhe alse haues kinder leuet Jn een tuech der waerheit so heb ic frederic steenbicker vors_ minen zeghel an desen breef ghehanghen Ghegheuen Jnt Jaer vns heren dusent dre + hundert Acht + ende tsouentich Des saterdaghes vor sunte marten Jn den winter