Corpus Van Reenen-Mulder (CRM14): Oorkonde F179p38001

Wij Henric serijs en_ Gerloch Kempinc scepen_ tot Zutphen : Tughen (-) + kerlike mit desen apen_ brieue dat vor vns ghecomen Js in scependome Henric Pyech . Ende Laüede vor vns mit sine_ vrien wille wes güet gelt af Enigerleyie zaken Hi kreghe afte krighen konde af jeman van sijnre weghen van + den güede dat arent Piech achter gelaeten Heuet : dat Hi daer nennen Piekes sijnre moeder alzo voele af gheuen en_ af~doen sal dat Oer des wal ghenoeget en_ daer en_ sal Henric Piech vors_ ghien weder~segghen Jnne Hebben want (-) sijn moeder vors_ vor vns vp~gedraghen en_ mechtich ghemaket Heuet : mit alle den güede en_ Erfnisse tot doene en_ tot laeten (-) alle sine_ willen . dat Oer an~ghecomen en_ an~gestoerüen was van arende Pyeke Oeren soen : sonder argelist Jn een recht Tuych der waerheijt so Hebbe wij Scepen_ vors_ vnse segel An desen brief geHang_ Geg_ jnt jaer vns h_en M˚ . ccc˚ . en_ tachtentich + des saterdag_ na diuisio apostol_r__ .