Corpus Van Reenen-Mulder (CRM14): Oorkonde F179p38002

Wij Richtere Ende Scepene Der Stat van Sutphen Maken kont Ende kenlijc allen luden met desen Openen brieue Dat wij sculdich siin van gherechter scholt . Jutten scheelhessen Dochter Ende Oren erfghenamen viertich Pont Cleynre pe_nynghe Daer sij jaerlix voer hebben ende boeren sal Drye pont Paeyments alse voerscreue_ js To betalen Die ene helfte alse sente victoers misse jaerlix Ende Die ander helfte alse paesschen wt alle Onses stades renthen Ende ghuede jn sulken gheuoeghe Dat Onse Stat Die voerscreue_ Drye pont jaerliker renthen weder vryen en_ loesen moeghen Tot allen tyden wa_neer sij willen met Den viertich ponden voerscr_ Ende metter pensien al arghelist wt~ghesproken . Jn Oercunde Diere waerheyt So hebbe wij Onses stades zeghel an desen Openen brief ghehanghen Ghegheuen jnt jaer Ons heren Dusent Drye + hondert Ende Tachtentich Des vryedaghes na sente bonifacius Daghe .