Corpus Van Reenen-Mulder (CRM14): Oorkonde F179p38003

Wii Richt_e ende Scepen_ der stat van zutphen doen kont en_ bekenne_ dat wii van Onses staets wegen sculdich sijt en_ iaerlix wal betalen zolen . jacop van beinhem of sine_ erfg_ seestien olde guldene Schilde of gelijc paiment dar vor in + der tijt der betalinge jarliker pe_sien vyt alle onzes staets Rente_ en_ gude hoe en_ war die gelegen sijt te + betalen half tot paeschen en_ half tot zantgange_ oft bynne_ vijrte_nachte_ nae elken t_mine irst volgende onbegrepen . in alsulke_ gevoge dat wii van onses staets wege_ dese vorscr_ seestien olde schilde tot elken termine der betalinge weder quijt cope_ en_ vrien moghe_ alse elken olden schilt mit twelef olden schilden en_ mit der pensien die dan v_schene_ is . jn orcunde des soe heb wi onze staets zeg_ an deze brief gehange_ Gegh_ int jaer ons h_en M˚ CCC˚ ende tachtentijch vp sunte thomas auont