Corpus Van Reenen-Mulder (CRM14): Oorkonde F179p38101

Wii richt_e ende Scepene der stat van zutphen tugen apenbaer dat vor ons in gerichte en_ in scependom gecomen is . wil + - leken van borlo ende becande vor ons dat hii sculdich is . johan Egghesen souen older schilde alse van der m˚ren tussche_ orre twier huse gelegen . dar hii hem jarlix af geue_ sal te rechter pe_sien enen haluen olden Schilt ende een twelefste deel van ene_ helen olden schilde to betalen half tot paeschen en_ half tot zantgange_ vyt sine_ huse vors_ gelege_ bij johan Egghesen huse thent ter tijt toe dat dese vors_ soue_ olde schilde mit belope der pensie_ gequijt en_ geloest werden . voert soe bekande willeken vors_ dat hii niet meer en heeft an der m˚ren tot johan Eggesen huse wert / dan twe vote in + der erden en_ voert also hoge als hii die nv bewedemt heeft en_ niet hoger jn orcunde des soe heb wi ons_ stat segel an desen brief gehange_ Geg_ in + den Jare ons h_en M˚ CCC˚ ein en_ + - tachtentiich des vridags nae brixij . .