Corpus Van Reenen-Mulder (CRM14): Oorkonde F179p38102

Wii richt_e ende Scepene der stat van zutphen bekenne_ dat wi mit gueden gansen berade willen en_ consente van ons staets wegen vercoght hebben / ende sculdich sijt . Joha_nes van dorenborgh staets scriver van zutphen ende sinen erfgenamen seestien gueder older guldener schilde g˚et van gholde en_ recht van gewichte m˚nte des Keisers van Rome_ of des Coeninx van vrancrike of gelic paiment daer v˚r in + der tiit der betalinge jarlik_ renten vyt onses staets renten en_ guede alle jare te + betalen vp pinxteren oft binne_ acht dagen daer nae volgende . . wert zake dat wi des niet en deden noch vp die tijt niet en betaelden soe mach johannes vors_ of sine erfgen_ riden mit ene_ peerde of oren wissen baden vor oen senden in eyn eersam herberge binnen onser stat en_ bliuen daer liggende thent t_ tiit dat wi one dese vors_ pensien mit der Cost die hi in + der herberghe verteerde daer + - + en~binne_ wal betaelt hedden . Oec soe sijt vorwarde . wanner wi dat joha_nes vors_ of sine_ erfg_ eyn half jaer to~voren segghe_ of dat johannes en_ sine erfgen_ ons dat een half jaer to~voren segghen soe moge_ wi dese vors_ alinge pensie weder Cope_ en_ vrye_ mit hondert en_ twe en_ tnegentijch olden Schilden der seluer m˚nte_ des keisers van Rome_ of des Coeninx van vrancrike of mit gueden geliken paimente daer voer an golde en_ mit also~gedaner pensie_ als den verschene_ is in + der tiit der loesinge Voertm_ soe sijt vorwarde of joha_nes vors_ of sine erfg_ binnen ons_ stat wonachtijch wolden wezen soe sal hi of ein va_ sine_ erfgen_ in ons_ stat vri en_ co_merloes weze_ wakens schaets b˚erwerkens en_ schattingen / ende voert van allen andere_ zaken en_ onrade die ons tobehore_ vytgename_ of die h_e van den lande enighe schattinge dede daer van solden sy oen seluen af ontheffen en_ quiten jn eyn recht getuich des soe heb wi onse staets segel an desen brief gehangen . Geg_ in + den jare ons h_en M˚ CCC˚ eyn en_ tachtentijch des dinxtags nae sunte pet_s ad vincula