Corpus Van Reenen-Mulder (CRM14): Oorkonde F179p38201

Wii richt_e ende . Scepen_ der stat van zutphen bekenne_ dat wi van onses stats weghen sculdich . sijt Aleyden alebert gerwardinx dochter ende oren erfgenamen drie hondert ende sees en_ tnegentiich . guder older guldener Schilde oft g˚et gelic payment daer voer an gholde in + der tijt der betalinge . vor wilke_ drie hondert en_ sees en_ tnegentiich older Schilde vors_ wi van onses staets wege_ der vors_ alyden of oren erfgename_ iarlix gheuen en_ wal betalen zoelen tot rechter pensien drie en_ dertijch g˚der older Schilde_ oft paime_t dar v˚r alse vors_ is . half tot sunte Martens misse in + den winter ende half tot sunte walb˚rge misse oft binnen verte_nachte_ nae elken termine volgende w˚t alle onses staets rente_ ende g˚de vpcominge en_ verualle dat onse stat vors_ nv˚ heeft oft naemaels krigen mach hoe en_ in wilker + wijs dye gelege_ is . in alsulken gevoge dat wi tot elken t_mine der betalinge vors_ . dese vors_ drie en_ dertiich older schilde weder quijt cope_ en_ lozen mogen en_ zolen soe wa_neer wi dat aleyde vors_ of oren erfg_ oft alit dat ons of ore erfg_ malc den anderen een half jaer toe~voren . vp~seget . want dat also bevorwart is soe wie dat van den and_en wil die sal en_ mach dat den and_en een half jaer toe~voren segghen sonder argelist . Jn orcunde des soe heb wi onses staets segel an desen brief gehangen Geg_ in + den jare ons h_en M˚ CCC˚ twe en_ tachtentijch des . vp sunte Georgius daghe . .