Corpus Van Reenen-Mulder (CRM14): Oorkonde F179p38401

wii ludolf van Elten deken tot zutphen en_ meist_ andries creynch doen cont allen luden dat vor ons gecomen siit die jonfrouwen van + den hospitael tot zutphe_ an ene side En_ lubbert vppen kelre an die ander side en_ hebben verpeent bii eynre pene_ van viiftiich olden Schilden wes wi segge_ van allen Stote den see gehat hebben onder hem dat see dat holden solen an beiden siden des is onse segghen Jnt jrste dat lubb_t vors_ sal den jonfrouwe_ vesten dat alinge huys dar see in wonen dat te + besittene / erflic mit alle sinen tobehore / En_ sal mede auerleuere_ alle dye brieue die heeft @ dar af heeft van sins wiifs irsten kind_en vort sal lubb_t sin hant aftrecken van + der jonfrouwe_ saken / en_ en sal hem oec niet onderwinden eniges gudes binnen oft buten zutphen dat den jonfrouwe_ tobehoert En_ sal oen mede auerleu_en alle die brieue die hee / heeft van + der jonfrouwe_ guden en_ renten vort soe en sal lubbert vors_ ghenr_hande g˚et neme_ w˚t der jonfrouwe_ h˚se dar see in wonen dan sin bedde dekene en_ lakene en_ dat dar toe behoert en_ sine kiste vp sinre cameren En_ sin peert sinen sadel en_ sine_ toem vort sine leuendighe ware die hee heeft bute_ der stat alse ossen coen kaluere verkne en_ scape die sine sint die zal hee beholden . des solen die jonfrouwe_ weder betalen van lubb_ts wege_ an sien hant van ? dertijch older Schilde oft gelijc payment dar v˚r tussche_ hiir en_ middewinter . vort solen see lubberte gheue_ ? ?chter liiftoght . alle jare soe lange als hi leeft / achtyen older schilde of gelic payme_t dar v˚r half tot sunte . Jacops misse . die meeste apostol . En_ half tot sunte pauwels misse Conu_sio . mer des sal lubbert boren viif en_ viertiich p˚nt van + der stat van zutphe_ alse vor seestien older schilde der vors_ payen En_ dat ander voert solen die jonfrouwen vten En_ w_t dat lubb_t vors_ die viif en_ viertiich pont tot eniger tiit niet cryghe_ en konde van + der stat soe solden oen die jonfrouwe_ dar mede vol afdoen En_ dar v˚r mocht hi see penden binne_ oft bute_ zutphen En_ alse lubb_t doit is soe siit die jonfrouwen quijt alinch en_ los van des_ vors_ liiftoght en_ pensien . vort sijt vorwarden dat katherina lubb_ts docht_ bliuen en_ wezen sal in + den spittale vors_ . gelijc den and_en jonfrouwe_ . Mer lubb_t seluen sal w˚t varen en_ toemale van + de_ jonfrouwe_ ghescheiden wezen En_ hiir mede solen die jonfrouwe_ en_ lubb_t vors_ alingh verliket en_ ghescheiden wesen in vrinscappe_ van allen saken die tussche_ hem an beide_ side_ ? ?lachtijch geweset En_ wert sake dat enich Stoet viele tusschem hem tween in enighe p˚nte vorscr_ dat beholde wi noch aen ons te verclaren al argelist w˚tgeseget jn orconde des soe heb wi des_ brieue twe besegelt der heeft elc ene_ . jn den iare ons h_en M˚ CCC˚ vier en_ tachte_tijch des zaterdaghs nae Symonis et Jude ap_lor__ . .