Corpus Van Reenen-Mulder (CRM14): Oorkonde F179p38402

Wii richt_e Ende Scepene der Stat van zutphen t˚gen dat vor ons in gerichte en_ in scependom gecomen is . Lubbert vppen kelre bij hem zeluen En_ katherine sin docht_ jonfrow in + de_ spittal mit oren vercarene_ momber ende becande_ vor ons dat sii vercoght hebben . erflic ewelic en_ omm_meer en_ verteghe_ mede soe recht was . den eersame_ persone_ den gemeyne_ . jonfrouwe_ des olden hospitaels tzutfen die alinge husinche en_ woninghe mit alle oren tobehore vur en_ acht_ soe die vors_ jonfrouwe_ nv t_ tiit dar in wone_ gelegen an den zaltmerkede tusschen henrix h˚se geheite_ vorstma_ an die ene side en_ der stege_ die geit in h_en borre_ hof aen die ander side co_merloes en_ vri v˚m een su_ma van gelde die hem wal betaelt was vort soe lauede_ sii den vors_ jonfrouwe_ te ware_ der vors_ aling_ woninge iaer en_ dach soe erfcoeps recht is en_ alle_ vorco_m__ af te + done . w˚tgeseget dat lubbert en_ katherine vors_ ghene ansprake lide_ en zol? van den tween ponde_ gelts die dye vorscr_ jonfrouwen te + hebbene plage_ w˚t den vors_ huse . En_ beholdelic dat katherine vors_ gelic anderen jonfrouwe_ wone_ mach en_ sal in + de_ vors_ huse want s? een mede~jonfrouwe is des spittaels soe vors_ is al argelist w˚tgesat . Jn orconde des soe heb wi onse staets seg_ an dezen brief gehangen geg_ in + den Jare ons . h_en M˚ CCC˚ vier en_ tachtentiich des zat_dags nae alre heilige_ dach