Corpus Van Reenen-Mulder (CRM14): Oorkonde F179p39001

Wii Richt_e ende Scepene der stat van zuytphen t˚ygen Ende bekennen dat wi van ons staets weghen jarlix sculdich siit ende betalen zolen dertyendenhalue_ gelresschen guldene_ iarlik_ pensie_ / den verwarre der huysarmen in h_en borren hoff bi_ne_ onser stat / alse vor die twee + hondert + gelres guldene die henric van + de_ torne en_ yde sin wiiff w˚tgereykt hebbe_ en_ die wi van hem vpgeb˚rt hebbe_ / en_ in onss staets orber gekijrt hebbe_ welke dertyende + haluen gelresghen guldene_ . jarlix dye selue henric en_ yde tot orre beyder liue boren en_ heffen solen nae inholde ors brieffs dar vp sprekende . te + betalen halff tot middewint_ en_ halff tot sunte jans misse to middezomer w˚t alle onser staets Renthen en_ goede hoe en_ waer die off dat gelegen is Ende wanneer wi dese vors_ twee + hondert gelres guldene weder ?treyken soe siit wi van onss staets wege_ weder ontslage_ van den dertyendenhaluen guldene_ vors_ to pens? . Mer wi solen daer toe rade_ en_ helpe_ dat me_ die selue twee + hondert guldene / van Rechte voert weder belegghen sal / en_ cope_ dar erfrenthe omme / die erflic bliuen sal in h_en borren hoff tot behoeff der huysarme_ sonder enich argelist jn orconde des soe heb wi onse staets seg_ an dezen brieff gehangen Geg_ in + de_ jare ons heren dusent CCC˚ . tnegentijch vp sunte johans auont Baptiste to middesom_ . .