Corpus Van Reenen-Mulder (CRM14): Oorkonde F179p39201

Jc gerijt van drinen bekenne vor mi en_ vur mi_ erfg_ dat die scepene en_ rait der stat va_ zutphe_ mi vier jair lanch en_ niet langer georlofft hebbe_ die mole te setten vpden mersch in + dese_ gelege alse dat jc allen jare der stat geue_ sal van + der staden dar die mole vp steit twee pont gelts tot alle_ sunte peter ad cathedra_ soe lange als jc die mole daer staende hebbe . vort soe en sal jc der molen bi_ne_ tween jare_ niet v_copen noch weder vpbreken / mer als twee jare gelede_ sijt soe mach jc die mole dan v_cope_ en_ als die v_coght js soe mach die stat vors_ die mole dan nochtant beholden vor dat gelt dat s? mi gegulde_ hadde / wert oec sake dat jc die mole wolde vp~breken en_ en~wegh v˚ren soe mocht die stat die mole selue beholden vur den pe_ninch dat Sij wert were vort soe sal jc die mole en_ de_ molenbergh also bevrede_ en_ bewerken dat daer nyemande an perden queke offte vee schade aff en gheschie / en_ gheschiede yemande schade an perde queke rundere offte vee den schade_ sal jc vprichte_ vort soe en sal me_ vp + der molen gheenreleye saet malen wanneer der stades watermole_ gaen en_ male_ moghe_ / ten weer dat des malen soe groit gebreck were en_ die wat_molen niet ghaen en mochte_ soe mach men saet male_ vp die selue wintmole bi orloue onser scepene off ons staets rentmeist_ tot ore_ wederseggen en_ niet lang_ dan ter tijt toe dat men mi des georlofft hedde jn oircu_de des soe heb jc mi_ seg_ an desen brieff gehange_ . gegeue_ in + den ja_e ons h_en M˚ CCC˚ twee en_ tnege_tich vp Remigij