Corpus Van Reenen-Mulder (CRM14): Oorkonde F179p39902

Jch willem van bake bekenne mit desen apenen brieue vor mi en_ vor min erue_ . dat . Jch in ene_ rechte_ erfscheit auerdraghen hebbe mit . den Jonfrouwen van den hospitale van zutphe_ van + der wr˚ght tussche_ minre maet die geheite_ is Ebbingh~maet en_ der ioncfrouwen maet geheite_ gyeleghoer alse dat jch en_ mine erue_ en_ all min nacomelinge die ebbingh~Maet / krige_ moge_ tot ewigen daghen toe erflic allene holden sall en_ solen die alinge wr˚ght tusschen desen tween meden vorscr_ soe dat die jonfrouwe_ en_ oer maet dair vri en_ co_merloes sall aff bliue_ en_ ebbingh~maet vors_ sall dese wr˚ght altoes en_ tot goeder tiit soe holden en_ wirken dat den jonfrouwe_ vors_ an or maet gyelenghoer gheen hinder noch schade en geschie tot ghenre tiit hiir ware_ auer en_ an dedinghes lude . H˚gho van Netelhorst en_ Johan van dorenborgh . Jn orconde des soe heb Jch min segell aen desen brieff gehange_ gegeue_ in + den Jare ons heren M˚ . CCC˚ . Negen en_ tnegentich . vp sunte walburghe auont Jn + den meye . .