Corpus Van Reenen-Mulder (CRM14): Oorkonde F179p39903

Jch willem van Bake bekenne mit desen apenen brieue vor mi en_ vor min erue_ wert sake . dat die Jonfrouwen van den hospitale tot eniger tiit naemaels krot hinder off gebreck krege_ an der wr˚ght tussche_ minre maet geheite_ ebbingh~maet en_ der jonfrouwe_ maet gheheiten gyeleghoer welke wr˚ght . jch en_ min erue_ en_ daer Ebbinghmaet . an Come_ . mach erflic sculdich ziit allene te + holden bute_ der jonfrouwen cost en_ schade . alle dat gebreck dat den jonfrouwe_ en_ ore_ nacomelinge_ dair aff come_ mocht . dat sall ich en_ min erue_ hem altoes tot ewigen daghen co_merloes aff~doen En_ . sall hem ein erfwarent wesen van + der wr˚ght tusschen onser twier lande en_ meden vorscr_ soe dat die ghene die ebbingh~maet heefft en_ krige_ mach mit ghenreleye saken hem des were_ en sall . hij en sall die alinge wr˚ght tussche_ beyden meden vorscr_ erflic altoes allene holde_ s˚nder wedersegge_ hiir wa_en auer tughes lude . henric Seriis johan van Dorenborgh en_ huge van netelhorst mede beke_ne ich w_t dat de_ jonfrouwe_ van + den hospitale tot eniger tiit naemaels noit geb˚rde meer vestnissen van der wrught vors_ die vestnisse sall ich en_ min erue_ hem doe_ co_merloes buten der jonfrouwe_ cost en_ maken hem des . vast dat hem dat erflic vast bliue_ sall tot lantrechte hoe en_ in wilker + wijs die vestnisse gebore_ sall . alle argelist w˚tgesat Jn orcon des soe heb jch min segell vor mi en_ vor mi_ erue_ an desen brieff gehangen geg_ in + den Jare ons h_en M˚ ccc˚ nege_ en_ tnege_tich des derden daghs . Jn junio . .