Corpus Van Reenen-Mulder (CRM14): Oorkonde F179p40001

Jch . johan van steinb_ghen schulte tot zutphen binnen ende Buythen . en_ wii . andries yseren en_ lamb_t smeyers . scepene tot zutphen doen kont ende tuyghen dat vor ons in sittende gherichte ende in scependom gecomen is . Aleyt Musekens mit ore_ vercarenen momber die or mit ordeell en_ mit rechte gegheue_ wart en_ becande vor or en_ vor or erue_ . dat zii v_coght heefft in ene_ steden erfcope andriese m˚ys lamberts zoen en_ sine_ erue_ . die alinge wessermaet mit alle ore_ tobeho_e niet w˚tghesceiden soe me_ die ene helfte dair aff helt in ein erfpacht van + der praestien van zutphe_ nae inholde des v˚rbrieffs dair vp sprekende dair dese transfix~brieff d˚r ghesteken is welken brieff alit vors_ mit ors mombers hant vpdroegh en_ auergaff mit vrie_ wille andriese vors_ erflic te + besitten en_ verteegh dair van en_ mede van alle_ dele en_ rechte dat sii hadde / an der vors_ alinger maet alse vor ein su_ma gelds die alit kande dat oer andries vurs_ voll en_ all wall betaelt heefft . soe dat ordeell en_ recht dair auer ghewiset wart dat alit m˚sekens en_ or erue_ tot ewige_ daghen van + der aling_ wessermaet onterfft siit En_ andries M˚ys en_ sin erue_ dair erflic an weder vererfft ziit mede soe becande alit vors_ mit ors mombers hant dat sii en_ oer eruen . andriese en_ sine_ erue_ waren solen alss gherechte waerburge_ deser vors_ aling_ maet in allen rechte en_ gevoghe soe die selue alit die maet vors_ an desen dach toe beseten hadde . Ende wert sake dat andries off sin erue_ tot enigher + tiit naemaels meer vestnissen hebben wolden off behoefden vp die vors_ maet . alle die vestnisse gelaefde alit vor or en_ vor oer eruen vp ors selffs cost te + doen andriese vors_ en_ sine_ erue_ sonder enich wedersegghen . Jn orco_de des soe hebben wi onse segele an desen brieff gehange_ gegheue_ in + den iare ons heren duysent vier + hond_t des zat_daghs nae dertyenden geheiten to latine E_ph__ia Domini