Corpus Van Reenen-Mulder (CRM14): Oorkonde F179p40002

wii . Richt_e en_ scepene der stat van zutphe_ tuge_ dat wii van onser stat wegen vercoght hebbe_ . en_ iarlix sculdich zijt . joha_ne blotencamp en_ sine_ erue_ viiff goeder oelder scilde en_ drie quartijr van ene_ oelden schilde vrancrix off keysers volwichtich off gelic goit payment dair v˚r iarliker pe_sien en_ renthen te + betalen halff tot paesche_ en_ halff tot zantghange_ offt bi_ne_ virte_nachten nae elken t_mine irst volgende w˚t all onser stat renthen hoe ende waer die gelege_ zijt beholdelic ons dat wi van onser stat weghe_ . dese pensie vors_ tot elken t_mine der betalinge_ quit copen en_ lozen moghe_ . mit twee en_ tneghe_tich olden schilde_ der vors_ paye_ en_ mit der pensien dan dair aff v_schene_ . Jn orconde des zoe heb wi onse staets segell an desen brieff gehange_ gegheue_ in + den ja_e ons h_en . dusent vier + hond_t des vridaghs nae Judica in + der vasten