Corpus Van Reenen-Mulder (CRM14): Oorkonde F575r36001

@ Wi Cyse g˚edesinghe ende Rolof g˚edesinghe / doen kont ende kenlic allen luden die desen brief solen zien of horen lesen dat wi vor ons seluen ende vor onse gherechte erfnamen vercoft hebbe_ ende veRcopen met desen seluen brieue h_en Johanne den abt ende den ghemenen _uente van dickeninghe ende van Rune al + den smaltyenden . die ons toebehorde ende wi jaerlix plaghe_ to hebben ouer blakelinghe~goed dat gheleghe_ is to Pette in + den kercspel van Rune om ene somma van ghelde die ons en_ onsen gherechte_ erfname_ wittelic en_ wal betaelt is . Ende desen smaltyenden vorscr_ sole wi den abt en_ den _uente vornomt waren to besitten ende to ghe~bruken als een vry goed van allen commer ende van alrehande antalen Jn orkonde der waerheit so hebbe wi Cyse g˚edesinghe ende Rolof g˚edesinghe siin sone vornomt desen brief beseghelt met onsen seghelen Ende om die meerre vestensche en_ zekerheit soe hebbe ghebeden enen eersamen man ende enen wisen Gherde g˚edesinghe onsen neven ouer to gheuen en_ quijt to sceldene of hi enich recht of ansprake to spreken hadde op desen smaltyenden vorscr_ ende dat hi desen brief met ons beseghelen wille met sinen seghel . Ende jc gherd gh˚edesinghe vornomt hebbe om beden wille Cysen g˚edesinghe ende Rolofs siins sones vornomt over~ghegheue_ ende quijt ghescolden gheue ouer en_ scelde quijt met desen brieue vor mi seluen en_ vor mine gherechte erfnamen . of ic enich recht of ansprake to spreken hadde op desen smaltyenden vorscr_ ende hebbe desen brief beseghelt met minen seghel tot enen waren tughe deser dinghe vorscr_ . Alle arghelist wtghesproken en_ alle vonde die den abt en_ den _uente vorscr_ scaden moghe an desen brieue en_ an desen cope vorscr_ Ghegheuen jnt iaer ons h_en . + &mring; ccc˚ + . ende zestich des sonendaghes na sunte Gregorius dach .