Corpus Van Reenen-Mulder (CRM14): Oorkonde F575r36701

@ Allen luden die desen brief solen zien ofte horen lesen / jc vde Gherdes sone hoptaets doe kont ende kenlic dat ic vor mi seluen ende vor mine gherechte erfnamen vercoft hebbe ende vercope + met desen seluen brieue h_en Johanne den abte ende den ghemenen Conuente van Dickeninghe Nysinghe~goed tot halen met alle sinen toe~behoren ende met alre slachter not also als dat gheleghen is in den kercspel van beylen ende Tien mudde Rogghen jaerliker renten die gheleghen siin ou_ oestebringhe~goed tot halen die mi met nysinghe~goede vors_ in eenre rechter erfscheydinghe erflic toe~ghesceyden weren . en_ dit goed ende mudde vorscr_ scelde ic vry en_ quyt den abt en_ den Co_uente vornomt to ghebruken en_ to besitten ewelic en_ vmmermeer als een vry goed sonder enigherhande ansprake miins ofte miinre gherechter erfnamen . In orkonde der waerheit so hebbic vde vornomt desen brief beseghelt met minen seghel En_ o_me meerre vestensche en_ sekerheit so heb ic ghebeden jonghe Tyesen Egberts sone henric pollemans en_ Rolue pollemans desen brief mede to beseghelen met oren seghelen En_ wi Tyese / henric en_ Roelf hebbe_ om beden willen vden vornomt desen brief beseghelt met onsen seghelen tot ene_ waren tughe deser dinghe vorscr_ Ghescr_ en_ ghegheue_ jnt iaer ons h_en Dusent drie + hondert zeuen en_ tsestich op sunte marcus dach ew_ngeliste