Corpus Van Reenen-Mulder (CRM14): Oorkonde F575r36702

@ Wj henric pollemans ende Rolof pollemans doen kont ende kenlic allen luden die desen brief solen zien ofte horen lesen / dat wi vor ons seluen en_ vor onse gherechte erfnamen ghelouet hebben ende louen . . met desen tgheghenwordighen brieue den abte en_ den ghemenen _uente van Dickeninghe Nysinghe~goed tot halen met alle sinen toebehoren also als die abt en_ _uent vornomt ghecoft hebbe_ tgheghe_ vden Gherdes sone hoptaets te waren als een vry goed van allen commer en_ van alrehande antale_ to rechten drentheschen lantrechte . Vord kenne wi henric en_ Roelf vors_ dat wi ghelouet hebbe_ ende louen in desen brieue / den abt en_ den _uente vors_ / te waren en_ te vryen Tien mudde wint_~Rogghe_ Groningh mate die gheleghe_ siin ou_ oestebringhe~goed toe Halen / Die de abt en_ dat _uent van Dickeninghe vors_ ghecoft hebbe_ tgheghen den vornomden vden Gherdes sone sonder arghelist / en_ waert dat die abt en_ _uent vornomt enighen scaden hier bi nemen den solde wi em verbetern alinghe bi onser trouwen en_ sekerheit Jn orkonde deser dinghe vorscr_ so hebbe wi henric en_ Roelf pollemans vornomt desen brief beseghelt met onsen seghelen Ghegheuen Jnt iaer ons h_en M˚ + CCC˚ zeuen en_ tsestich op sunte marcus dach ewangelist