Corpus Van Reenen-Mulder (CRM14): Oorkonde F575r36801

@ Wj Egbrecht van Echten / Volkier , Egbrecht / ende berte / sine kindere / doen kont ende kenlic allen luden die desen brief zolen zien of horen lesen / dat wi vor ons seluen ende vor onse gherechte erfnamen vercoft hebben en_ vercopen met desen tgheghenwordighen brieue h_en Johanne den abt / ende den ghemenen co_uente van dickeninghen Twe vierendeel boteren ende enen cop boteren erfliker Renten / die ons toe~behorden ende gheleghen siin ouer Hermans goed tor hofstadt in + den kerspele van + der ywehorst om ene somma van ghelde die ons ende onsen gherechten erfnamen wittelic ende wal / betaelt is . ende dese Twe vierendeel ende desen cop boteren vorscr_ solen die abt ende dat Co_uent van dickeninghen vorscr_ ghebruken ende besitten ewelic ende vmmermeer sonder enigherhande ansprake ons of onser gherechter erfnamen / ende om~dat wi willen dat dese coep vaste si stede bliue ende wal gheholden werde so hebbic Egbrecht van Echten vornomt desen / / brief beseghelt met minen seghel vor mi seluen / vor volkiere / vor Egbrechte / ende vor berten minen kinderen vornoemt want si selue ghene seghele en hebben / Ende wi Volkier / Egbrecht / ende berte vornomt verlyen ende volboerden deses / / copes ende deser dinghe vorscr_ onder Egbrechts onses vader seghel ghelikerwijs als~oftet ons selues seghel ? hier hebben ouer ende an gheweest Eersamighe lude ende wise / Reynold van + den Cloestere / Steuen siin broeder / Johan ? / Johan haghene / ende anders vele goeder lude / Ghegheuen Jnt iaer ons h_en . dusent / drie + hondert . Achte ende tsestich op ? / / laurentius auond . . .