Corpus Van Reenen-Mulder (CRM14): Oorkonde F575r37201

@ Allen luden de dessen breef zolen sien oft horen lesen do Jch verstaen Egbert van echten en_ enkenne openbaer mit dessen openen breue dat ich mit vryen willen mijns selues en_ mit raede volkiers en_ Egbertes miner kindere en_ al miner rechten erfnaemen vercoft en_ vpghelaeten hebbe vercope en_ vplaete openbaer mit dessen openen breue her Johanne den abte en den ghemeynen conuente van Dickening_en twe mudde winter~rogghen deuenter maete jaerliker renthen de wi hadden over willams des scomaekers alinghe gued gheleghen in den kercspele van der yvhorst in der marke vp yvhorstinghe~vene vm ene su_me van ghelde de mi en_ minen rechten erfnaemen wittlic en_ wal betaelet is welike vorghes_ jaerlix gulde de abt en_ dat Conuent vorghes_ besitten en_ vry bruken solen erflike en_ ewelijc en_ vmmermeer sonder weder~segghen vnser en_ alle unser rechter erfnaemen en_ solen hem desser vors_ jaerlix gulde waeren to lantrechte mit dessen seluen breue vor alle de + ghene de daer to rechte vp spreken moghen Al arghelist vtghesproken In kennisse der waerheyt so hebbe ich Egbert van Echten vors_ dessen breef beseghelt mit minen seghele vor mi seluen vor volkier en_ Egberte mine kindere en_ alle vnse rechte erfnaemen En_ wy volkier en_ Egbert vors_ ghelyen alle desser vorwaerde vnder seghele Egberts van echten vnses vaeders . en_ vm ene vaster stedicheyt desser vorwaerde hebbe wy ghebeden guden bescheydenen luden Johanne Sloet en_ Johanne haeghenen . dat se dessen breef mede beseghelen willen En_ wij . Johan Sloet en_ Johan haeghene vors_ hebben vm bede willen Egberts van echten volkiers en_ Egberts siinre kindere vors_ vnse seghele an dessen breef ghehanghen tot eynen waren tughe ghegheuen int jaer vns heren Dusent drie + hondert twe en_ seuentich des sondaeghes in der vastene als men singhet letare