Corpus Van Reenen-Mulder (CRM14): Oorkonde F575r37203

@ Allen luden die desen brief zoelen sien ofte hoeren lesen . doe ich verstaen . Godekien van den houe . en_ enkenne openbaer mit desen openen brieue . dat ich mit vryen willen miins selues . en_ mit Rade alle myner Recht_ erfghenamen vercoft en_ opghelaten hebbe . vercope en_ oplate den abbete en_ . . den ghemenen Conuente van dickenynghe dat derde deel van den Tween goeden tot altynghe en_ tot Rossynghe gheleghen in den kerspele van beylen en_ in + der marcke van halen . mit alre slachte not en_ mit alle sinen toebihoeren alsoe alst gheleghen is en_ waer dat gheleghen is wtghesproken miin andeel van + den steden mudden . die gheleghen sin ouer dat goet tot assinghe tot vuesloe . vme eyne su_me van ghelde die mi en_ mynen Rechten erfg_ witlike en_ wal bitaelt is . Jn alsoelken maneren . dat die abbet . en_ dat Conuente voers_ . dit voerscr_ . goet erflike ewelike en_ ymmermeer vry bisitten en_ ghebr˚ken soelen sonder wedersegghen miins en_ al miinre Rechter erfg_ En_ sal hem des goedes waren vry ledich en_ loes . voer alle die + ghene die daer to Rechte op spreken moghen to Rechten lantrechte . al argheliste wtghesproken . Jn kennysse der waarheyt heb ich . Godekien van + den houe voerscr_ desen brief biseghelt mit mynen zeghel voer my seluen en_ voer al myne rechte erfg_ . En_ vm ene meerre vestenysse deser dinghen voerscr_ . soe heb ich ghebeden . Goede eersame lude Egberte van peyse en_ Johanne van haren . dat sie desen brief mede willen biseghelen mit oerren zeghelen . En_ wij . Egbert ende Johan voers_ . vm bede willen Godekiens voerghenoemt . hebben vnse zeghelen mede an desen brief ghehanghen tot eynen ewyghen t˚ghe deser vorworden voerscr_ . Ghegheuen Jnt Jaer vns heren . dusent drie + hondert . Twee en_ seuentich op sente Johans dach baptisten to myddesomeren . .