Corpus Van Reenen-Mulder (CRM14): Oorkonde F575r38401

@ Allen luden die dessen breef sullen zeen oft horen lesen / doe wy verstaen Ghert gudesinghe en_ Agnese zijn echte wijf en_ enkennet des . dat wy met vryen willen ons selues met Raede Euerdes laurenti_ Cysen en_ Elsebeen vnser kindere en_ met consente al onser erfghename_ vercoft en_ vpghelaten hebbet vercopen en_ erflike vplaten openbaer met dessen opene_ breue hern Johanne den abte en_ den ghemeyne_ Conuente van dyckeni_ghen . Een Emmer boteren jaerliker pacht over onse alinghe g˚et tor hofstede / dat gheheten is der bozestern~g˚et gheleghen bynne_ den kercspele van der Ywehorst vmme ene su_me gheldes die ons en_ onsen erfghename_ witlike en_ wal bitalet is jn alsulken manyren / dat die abt en_ dat Conuent van dyckeni_ghen vors_ dat Emmer boteren jaerliker pacht erflike besitten moghen . en_ des ewelike en_ vmm_meer vry ghebruken moghen sonder yenigherhande hynder . en_ sonder yenigherhande weder~segghen van ons en_ van allen onsen erfghename_ / Ende solen hem der vorseyden jaerliker boter~pacht waren voer alle die ghiene / die des tho Rechte come_ willen al aerghelist vyt~ghesproken Jn kennysse der waerheyt / hebbe ich Gheret g˚dezinghe voers_ / dessen opene_ breef biseghelt met myne_ seghele voer my selue_ voer agnesen myn echte wijf voer Euerde laurenti_ cise_ ende Elsebeen onse kindere en_ voer alle onse erfg_ En_ wy . Agnese / Euert / laurenti_ Cise / en_ elsebee vors_ ghelien en_ volborden alle desse vorwarde voersc_ onder seghele Gherdes gudesinghe voers_ / went wy seluen vp desse tijd ghiener seghele en bruken . Ghegheuen jnt jaer onses here_ dusent drie + hondert vier en_ tachtentich des sondaghes nae sente peters dach ghehete_ in den latijn ad vincula