Corpus Van Reenen-Mulder (CRM14): Oorkonde F575r38402

@ Wy ghert gudesinghe en_ agnese zijn Echte wijf maken kont en_ kenlic allen luden dat wy myt ghesame_der hant ghelouet en_ ghesekert hebben louen en_ zekern in dessen breue . dat Euert laurenti_ en_ Cyse vnse kindere dat Emmer botern jaerliker pacht dat wy den abte en_ den Conuente van dyckeni_ghen over vnse guet tor hofstede erflike vercoft hebben dat zee des myt handen en_ myt monde vertyen en_ vplaten solen als Recht is wanneer zee irst moghen . en_ deden zee des niet en_ neme die abt en_ dat co_uent voers_ daer yenighen scaden by . daer voer hebbe wy hem tot vnderpande ghesat vnse alinghe g˚et tor hofstede dat ghehieten is der Bozestern~g˚et . Jn alsulken vorwarden dat zee dan daer oren scaden an soken en_ verhawen mochten / sonder yenigherhande hynder en_ sonder yenigherhande weder~segghen van vns en_ van allen vnsen erfghename_ al aerghelist vtghesproken Jn kennysse der waerheyt hebbe ich Ghert g˚desinghe voers_ dessen opene_ breef beseghelt myt myne_ seghele voer my selue_ voer agnesen mijn echte wijf en_ voer alle onse erfghename_ Ghegheue_ jnt jaer vns h_en dusent drie + hondert veer en_ tachtentich vp sente laure_ti__ auent