Corpus Van Reenen-Mulder (CRM14): Oorkonde F589r39801

Jc johan voern schulte in + den kerspel van yselmuden jn + der tiit doe kont allen luden jn desen openen brieue dat voer mi ghecomen is @ daer ic sat to gherichte in enen ghehegheden heymael bernt dulman ende bekande voer mi in + den seluen gherichte dat hi voer hem ende @ voer siin erfg_ mit gueden beraede en_ mit vrien moetwillen rechtelike en_ redelike erflike en_ eweliken to besitten in enen rechten stede_ @ erfcoep voer een edel eyghen vercoft heuet heynema_ morre ende goedscalc rouer ende oere_ erfg_ siin dordendeel van + den drie ende @ twintichsten haluen morghen landes die gheleghen siin in mastebroeke in + der elst daer an die n?~der zide naest ghelandet is Johan elys . ende an die zuytside wolter scellincs kinder streckende mit den enen ende an die rike~steghe ende mit dien anderen ende an + den @ diic dat johan dulman plach toe te hoeren mit dike mit damme mit weteringhe mit torue mit twighe mit water mit weyde mit weghe @ mit velde mit alre slachter nut ende mit al sinen tobehoeren alst daer gheleghen is Om een su_me gheldes die hem heyneman ende goedsc_ wittelike ende wal betaelt hebben als bernt dulman vorsc_ voer mi bekande in + den seluen gherichte . Ende droech heyneman ende @ goedscalc vorsc_ dat dor~dendeel van + den drie ende twintichsten haluen morghen landes vorsc_ voer mi op ende ghenc daer vyt ende @ verteech daer van als ordel ende recht wisede . Ende louede voer hem ende voer siin erfg_ he?neman ende goedscalc vorsc_ ende oere_ @ erfg_ dat dordendeel van + den drie ende twintichsten haluen morghen landes vorsc_ te waren voer alle die ghene d? to rechte @ ? willen woe si hem dies to lantrechte mit recht schuldich siin te waren . mer het sint voerwoerde dat bernt vorsc_ @ of siin erfg_ dit vorsc_ lant weder copen ende loesse? moghen to paesschen naest komende of bynnen achte daghen daer na @ mit ander + half hondert nie ghelressche ghulden al zulke nie ghulden daer si egbert (onleesbaar) soen of siin erfg_ mede betale_ @ moghen . Ende loessen bernt vorsc_ of siin erfg_ dit vorsc_ lant niet opten termiin vorsc_ soe soelent heyneman ende @ goedscalc vorsc_ ende oer erfg_ erfliken ende eweliken beholden ende soe en sal de? bernt of siin erfg_ ni_mermeer @ op saken noch segghen noch op cronen . hier waren ouer en_ an alse koernoete_ en_ gherichtslude dirc rouer ende wolbert soen ende anders veel gueder lude tughe die hier to gheropen ende ghebeden en_ gheboden worden ? (onleesbaar) gheseget In orconde der waerheit soe hebbic Johan schult vorsc_ miin seghel aen desen brief ghehanghen om beden wil van @ bernt vorsc_ ende omme der meerre vestenisse willen soe hebbic bernt vorsc_ voer mi ende voer miin erfg_ miin seghel + mede @ aen desen brief ghehanghen op~dat alle punten vorsc_ stede en_ vast soelen bliuen ende onverbroeken Geg_ int iaer ons heren @ dusent drie + hondert acht ende neghentich des vridaghes na paessche~dach