Corpus Van Reenen-Mulder (CRM14): Oorkonde F590r37701

Wj herman here van Cuenre knaepe doen kont allen luden ende tughen Openbaer in desen ? dat die borghers dier stat van Campen ons oft onsen erfg_ van neghienen guede dat ? brenghen jn onse vryheyt ter Cuenre / oft daer vyt voren oft dryuen te lande oft te water Tollen zien schuldich te gheuen oft van hem Tollen te nemen dan roederTollen dat es te verstaene van elken Scepe dat jn de Cuenre kompt Eenen haluen oelden konynghs tornesche oft de werde dar voer en_ dar mede sin sie quijt van Tollen jn ende vyt der Cuenre te varen Ende wi willen ende ghebeden allen onsen Schulten richt_en ende Tolnaers dat sie de borghers van Campen mit oeren guede rostlike varen ende dryuen laten onghetollet dan alse voerscr_ js te nemen eenen haluen oelden koni_ghs tornaschen oft de werde dar voer van eenen Scepe en_ niet mer sonder al arghelist jn oerkonde dies briefs beseghelt mit onsen zeghele vor ons en_ vor onse erfg_ Geg_ jnt jaer ons heren Dusent Drie + hondert zouen en_ tsouentich op den twelften dach jn februario