Corpus Van Reenen-Mulder (CRM14): Oorkonde F590r37702

Wj herman here van Cuenre doen kont allen luden dat wi vor ons en_ vor onse erfg_ die Scepen ende Raet dier stat van Campen alinghe quijt schelden mit desen brieue van + den dusent oelden vrancr_ schilden die sie van onser weghen gheloeft hebben te betalen jnt hant hermans van rechter en_ Goders van oestenwolde te behoef joncfer alyde van Cuenre onser zuester alse vijf hondert oelde schilde van vrancr_ oft payment dar vor an gholde op dortienden~dach naest~komende en_ jn hant johans van + den thoerne johans soens oft zyre erfg_ vijf hondert oelde vrancr_ schilde op dien t_mijn voers_ te betalen welke dusent oelde vrancr_ schilde sie ons schuldich weren van + der van Stauern weghen alse van + der soene die tusschen ons en_ hem gheghaen en_ ghedaen js van doede onses vader dies h_en van Cuenre onses broeders en_ onser vrient en_ maghe dar god die zielen af hebben moete / al arghelist vytgheseghet jn oerkonde dies briefs beseghelt mit onsen zeghele Geg_ jnt jaer ons h_en dusent drie + hondert zouen en_ tsouentich op den dortienden dach in februario