Corpus Van Reenen-Mulder (CRM14): Oorkonde F590r38201

JC Elyas van + den laer doe cont allen luden dat JC ghegheuen hebbe ende gheue mit desen openen brieue . den Eersamen luden Scepen Raet ende ghemeynte dier stat van Campen . voir mi voir otten van + den lare . huberte_ van + den lare . Ghiisberte van + den lare . ende Elyas van + den lare Miine kiinder ende voir al onse maghe . hulper ende vriende eene ghanse witlike stede zoene van allen twiste ende zaken . de r˚erende ziin van dirc van Renen . daer mijne kiinder voirscr_ oer viende om gheworden waren . Ende loue an g˚eden trouwen ende seker vastlike bi myre eere / dat JC Elyas voirscr_ otte hubert ghiisbert . ende Elyas mijne kiinder voirscr_ ende al onse maghe hulper en_ vriende de soene voirscr_ vast ende stede halden soelen ende onverbrecht te bliuen sonder enigherhande arghelist Jn oerconde dies briefs soe hebbe_ wij Elyas van lare en_ otte van lare miin soen vor ons vor huberte van laer vor ghiisberte van lare ende vor Elyas van + den lare voirscr_ en_ vor al onse maghe hulper ende vriende onse zeghelen an desen brief ghehanghen / Ende hebbe_ ghebeden onsen lieuen gheminden h_e h_en ghiisberte h_e van vyanen ende van + den ghoye dat hi vor an desen brief mit ons bezeghelt heeft om eene meere vestenisse claerheyt en_ sekerheyt dier s˚ene ende louede vorscr_ En_ wij ghiisbert heer van vyanen ende van + den ghoye bekennen dat wij om beden willen Elyas van + den lare otten van + den lare hub_t van + den lare Ghiisb_ts van + den lare ende Elyas van + den lare vorscr_ ende om beden willen oere maghe hulper ende vriende onsen seghel vore mit hem an desen brief ghehanghen hebbe_ om eene meere sekerheyt ende kenninghe aller dinghe vorscr_ Ghegheue_ Jnt Jaer ons h_en dusent dre + hond_t twe ende tachtentich des zatersdaghes na pinxstern .