Corpus Van Reenen-Mulder (CRM14): Oorkonde F590r38301

Wy scepen en_ raet der steden va_ deuenter va_ Campe_ en_ va_ Swolle . make_ cu_dich allen luden . dat wy malcand_en vastlic hebbe_ ghezekert en_ gheloeft in goede_ trouwe_ in desen opene_ breue / dat en gheen ons_ burghere_ sal an~neme_ slote te verware_ va_ h_en bute_ oerloue der scepe_ en_ des rades va_ dier stad daer hi burgher is we dat dede die verlore teghen die stad daer hi burgher is / sijn lijf en_ sijn guet . voert so en sal ons_ en gheen onser stede vors_ na desen daghe data des breues burgher ontfaen hi en sal dit selue punte voerscr_ ten hilighen zwere_ dat hi dat hoelde_ zal / en_ verbreke hi dat dat hi da_ vorlore sijn lijf en_ sijn guet ghelijc dat vorscr_ is al arghelist hier vytgheseyt jn orco_de des so hebbe_ wy onser drier stede zeghele an dess_ breef ghehanghen Ghegheue_ int iaer ons here_ dusent drie hondert ? en_ tachtentich vp sente Clements dach .