Corpus Van Reenen-Mulder (CRM14): Oorkonde F590r39301

Jc gheert van wilsem doe kont allen luden jn desen openen brieve . dat ic ende myne erfg_ niet en hebben Aen alle dien tynse ende guede dat hier na bescreuen staet in desen openen brieve . daer die opene brieve van sprekende sint . op mi ende op mijn erfg_ . mer alle desen tyns ende guet hier na bescreuen hoert to den memorien~altaer in onser vrouwen kerke Jnt ierste wt iohan harmans soens huys ende erue op kalfnecke_~strate jaerlix viif pont tins~gheldes . jtem wt peter hertwichs soens huys ende erue in + den haghen tusschen lambert ramp ende hubert van haren een pont tins~gheldes des iaers jtem wt kersteken backers huys ende erue in + den haghen een pont tins~gheldes des iaers . jtem wt iohan harmans soens huys ende erue op kalfnecken~steghe twe pont tins~gheldes des iaers Jtem aliit ghiseberts huys ende erue in + de_ haghen . twe pont tins~gheldes des iaers jtem vierden haluen hont landes ende een madeken daer aen gheleghen after helmich den zuere_ mit gheert lozen dat ic cofte weder harman van mullinghen jtem eluen hont landes gheleghen after helmich den zueren mit gheert loesen . Ende een madeken daer aen gheleghen van viif hont landes dat ghecoft waert van dirc dircs soen johan peters soen ende wichman zinen broeder . al arghelist wt~gheseget jn orconde der waerheitpen in onser vrouwen kerke een erue dat gheleghen is in + den ham mit tynse mit rente ende mit alle sinen rechte alset mi tobehoert Ende dit is gheleghen tusschen wolter ploech ende claes butteren soen Claes vorscr_ An + der noert~zide ende wolter vorscr_ An + der zuder~zide ende harman reuels soen ende in + der eze twelf heringhe~tonnen rogghen ghestreken des iaers Ende die sal men alle jare boeren op sante meertens dach in den winter wt vier husen in der eze . wt elken huyse drie tonnen ouer gestreken ende twe huyse in cuenre op~der wedeme . ende van desen vorscr_ guede sal die memorie mit oeren to~doene stichten een altaer in onser vrouwen kerke in campen Ende hier heuet ouer ende an gheweset gheert van wilsem memorien~meyster der memorien in der tiit lubbert peters soene gheert loze ende gheert van oenden burghers in campen jn orconde der meerre waerheit soe hebbic mathias vorscr_ miin seghel aen desen brief ghehanghen Gegheuen int iaer ons heren dusent drie + hondert viif ende neghentich op sante lucas avent