Corpus Van Reenen-Mulder (CRM14): Oorkonde F590r39702

Jc euert die roede van hekeren leenhere dier drie ende dertich morghen landes gheleghen in mastebroeke ter asschet tusschen selen kinderen ende dier steghe Doe kont allen luden dat voer mi ende voer manne hier na ghescreuen ghecomen is bernt die roede van hekeren miin brooder ende heuet mit myre hant consente ende to doene voer hem ende voer sine erfg_ mit gueden beraede ende mit moetwillen rechtelike ende redenlike in enen rechten steden erfcoepe erflike ende ewelike te besitten . vorcoft den scepenen van campen tot behoef des olden heleghen gheestes in campen wt dien vorscr_ drie ende dertich morghen landes . tien olde vrancriicsche schilde jaerrenten