Corpus Van Reenen-Mulder (CRM14): Oorkonde F590r39801

Wy rolof bernts soen ende aliit siin wittelike echte wiif doen kont allen luden jn desen openen brieue dat wy voer ons ende voer onse erfg_ erflike ende ewelike te besitten in enen rechten steden erfcoep vercoft hebben Peter harmans soen ende sinen erfg_ twe acker landes van onsen ses ackeren landes die wy liggende hebben to hollander~huysen . daer euert boese wyse gherbert ende euert die vroede mede in ghelandet siin Om een su_ma gheldes die ons peter vorsc_ vol ende al betaelt heuet al arghelist wt~gheseget . jn orconde der waerheit so hebbic rolof vorsc_ voer mi ende voer aliit miin echte wiif vorsc_ ende voer onse erfg_ miin seghel aen desen brief ghehanghen Gege_ int iaer ons heren dusent drie + hondert acht en_ neghentich op sante peters dach ad cathedram