Corpus Van Reenen-Mulder (CRM14): Oorkonde F596r38201

Allen luden die dessen breef zoelen sien of horen lesen doe ic te + uerstaen Willa_ va_ mille anders ghehiete_ van der maze burgher te deuent_ en_ lie ope_bare mit dessen breue vor mi en_ mine erfghenome_ / dat ic ontfanghen hebbe va_ ene_ eersame_ vader in goede en_ h_en / h_en florens va_ Weuelinchaue bi der ghenaede_ godes bisscop t + utrecht en_ va_ eersamen en_ vroede_ lude_ Scepe_ en_ raet der steden va_ deuenter en_ Swolle . dat huys to holte_ dat ghehiete_ is waerdenborch mit sine_ tobehoeren alse dat ic dat vors_ hues hoede_ en_ ware_ zal zelf vierde . ma_ne / in alsulk_ manire_ so wa_neer dat ick es va_ dien vors_ tween stede_ vermaent woerde / en_ sie mi dat drie daghe te~vore_ late_ wete_ so zal ic he_ dat vors_ huys co_merlos weder ou_leuere_ tot des ghestichts behoef va_ vtrecht en_ dier twier stede_ vors_ / voertmeer weert zake dat mijn h_e va_ vtrecht vors_ afliuich worde ofte ghetransferiert worde an een ander gestichte / oft dat hi va_ de_ vyande_ ghevanghe_ worde / so zal ic de_ vors_ tween steden dat vors_ hues ouerleuere_ tot des vors_ ghestichts behoef en_ dier vors_ stede_ / binne_ der zeluer tijt dat voerscr_ is / voertmeer so zal ic nemen va_ elke_ waghe_ne en_ va_ elker karre_ en_ va_ anders ghene_ gude sie sin eenspan of twyspan of anders ho sie ghespa_ne_ sin die vare_ doer de_ boem to holte_ die styet bi de_ vors_ hues / ene_ volmersche_ pe_ning of ander ghelijc payment daer vore alse vake alse die vors_ waghe_ne en_ karre_ doer de_ vors_ boem vare_ / en_ daer en~boue_ so en sal ic ghene_ vpslach doen noch neme_ . en_ vor alsulc gheelt alse daer af coempt so zal ic mit mine_ vors_ ghesinde dat vors_ huys hoelde_ hoede_ en_ verware_ sonder anders enigherhande vpslach en_ onraet / en_ alle dess_ vors_ pu_ten heb ic willa_ vors_ vor mi en_ vor mijn ghesinde gheloeuet en_ ghezekert an goeden trouwe_ en_ mit ghestaefden eede_ ou_ den hilighen ghezworen de_ vors_ tween stede_ vast en_ stede te hoelde_ in al dier manire_ dat voerscr_ is / sonder arghelist in orconde des so heb ic mijn zeghel an dess_ breef ghehange_ Ghegheue_ int iaer ons h_en dusent + drie + hondert + twe + en_ + tachtentich des dinxdaghes na sente Philipps en_ Jacobs dach