Corpus Van Reenen-Mulder (CRM14): Oorkonde F596r38301

Wy Scepe_ en_ Raet der stede_ van deuenter va_ Campe_ ende van Swolle . make_ cu_dich allen luden / dat wy malcandere_ vastlic hebben ghezekert en_ gheloeft in goeden trouwe_ in desen opene_ breue / dat en gheen ons_ burgh_en sal anneme_ slote te verware_ va_ h_en bute_ oerloue der scepe_ en_ des Rades va_ dier stad daer hi burgher is / we dat dede die verloore teghen die stad daer hi burgher is sijn lijf en_ sijn guet / voert so en sal onser en gheen onser stede vors_ na dessen daghe data des breefs / burgher ontfaen hi en sal dit selue pu_te voerscr_ ten hilighe_ zweren dat hi dat hoelden zal . en_ verbreke hi dat / dat hi da_ verlore sijn lijf en_ sijn guet ghelijc dat vorscr_ is / al arghelist hier vyt~gheseyt jn orconde des so hebbe_ wy onser drier n stede zeghele an dess_ breef ghehanghen Ghegheuen int iaer ons h_e dusent drie hondert drie en_ tachtentich vp sente Clements dach