Corpus Van Reenen-Mulder (CRM14): Oorkonde F596r38501

Wij Scepen ende Raet der Stat van ? ? kond Allen luden dat wij geloeft hebben ende louen ? in desen brieue den Eersame_ wijsen ? luden Scepen en_ Raet en_ gemeijnte van Campen / Weert ? ? Onse here die bysscop van Vtrecht ? tot deuenter hij en gaue ijrst dien van Campe_ en_ ons go˚ede ? brieue dat hij daer na bynnen enen ? jare naestvolgende tot Campen claren solde / en_ daer na bynn? enen haluen jare daer~naestvolgende ? onser Stat des gelikes claren solde / dat wij dan ofte onse raadeborger op die clarynghe niet comen en ? en_ wes men daer dien van Campen en_ oeren borgeren / en_ ons en_ onsen borgeren af claerde / dat ? wij mit dien van Campen / ende die van Campen mit ons eenpaerlic weder~staen ende keren mit ? macht ende wat laste ons van beiden + siden daer van q_me dat soel wij malc anderen helpen ? volcomelic mit gansen trouwen sonder enich wederseyghen voert weert sake dat die van deuenter ? enich hijnder of ongenoech doen wolden / dat soel wij eenpaerlic weder~staen ende keren mit gansen ? sonder wederseyghen ende sonder argelist ont ter tijt dat wij van der clarynghe gesceiden siin Jn ? der waerheit soe hebbe wij onser Stat segel hijr an gehanghen Gegeuen jnt jaer ons heren dusent ? + ? Tachtentich en_ vijue Op zante Agneten dach