Corpus Van Reenen-Mulder (CRM14): Oorkonde F596r39201

Wij / Berent va_ ijrte en_ gherijt ton bussche doen condich allen luden dat wij ghepacht hebbe_ voer ons en_ onse erfghen_ va_ eersame_ wise_ luden en_ here_ deke_ en_ capitel der kerke_ va_ deuenter hore_ tiende_ va_ Swoller~/enge / grof en_ smal . hoghe en_ leghe oeltbrect en_ nybrect mit alle sine_ tobehore_ / also / als die gheleghen is in der marke va_ Swoller~enge tien iaer lang na date des briefs / elx iaers / voer drie en_ viertich oelde vrancrycsche schilde / g˚et va_ golde en_ gherecht va_ ghewichte / of anders g˚et ghelijc payme_t daer voer / als men dan in der tijt der betalinge to deue_ter in der wissel / daer voer ? / en_ ses coma_s schilde to wijncope alle iare to + gheue_ en_ wal to + betale_ to deue_ter bi_nen / co_merloes / an hoers kemeners hand to sente peters misse ad Cathedra_ of viertien daghe daer na onbegrepe_ / weert sake dat wij of onse erfghen_ / of onser ghebreke niet en betaelden alle iare op den t_mijn / als vorscr_ is / Soe sin wij veruallen va_ allen rechte en_ pacht des vorscr_ tienden / of die deke_ en_ Capitel va_ deue_ter vorscr_ willen en_ anders niet En_ nochtan soe sole wij hem hoer achterstadighe pacht betalen sonder ienich wedersegge_ En_ oec sint vorwarde dat wij en_ onse erfghen_ solen trouwelike verware_ den vorscr_ tiende_ die vorscr_ iare vyt in hore_ rechte En_ worde daer oec ienich lant nyges an~ghebroken en_ bouwachtich worde dat in den vorscr_ tiende_ roerde dat soe / wij mede tienden En_ worde ons daer voer weygheringe an~ghedaen / dat sole wij to g˚der tijt / an den deken en_ Capitel va_ deue_ter vorscr_ brengen En_ dat soelen sie ons helpe_ vytwi_nen op hore cost na hore macht voert sint vorwarde / of ieniches iaers va_ den vorscr_ iare_ dat saet va_ den vorscr_ tiende_ aling of een deel verbrande mit ghemeyne_ heerbrande voer sente mertiens dag_ in den wint_e / dat were den vorscr_ deke_ en_ Capitel verbra_t en_ ons niet Al arghelist hier vytghesproke_ Jn een oerco_de en_ in een tuech der waerheyt Soe hebbe wij Berent en_ gherijt vorscr_ voer ons ende onse erfghen_ onse zeghele an dessen brief ghehangen Ghegeue_ in den iare_ onses h_en dusent drie + hondert twe en_ tneghe_tich op sente pancratius auent