Corpus Van Reenen-Mulder (CRM14): Oorkonde F596r39701

? ?ma? van wytmen richter in zwolle in der tiit doe kont allen luden In desen openen brieue dat voer mi ghecomen siin daer ic @ ? to gherichte in enen ghehegheden heymael bernt die roede van hekeren ende Joncfer swanolt siin wittelike echte wiif mit oeren ghecoernen momber alse mit bernde vorsc_ die hoer al~daer gegeuen waert als ordel ende recht wisede ende bekanden voer mi in + den @ sel? gherichte dat si voer hem ende voer hoere erfg_ mit gueden beraede ende mit vrien moetwillen rechtelike ende redenlike_ @ ? ende eweliken te besitten in enen rechten steden erfcoepe vercoft hebben den scepenen van campen tot behoef des @ ?en ?ghen gheestes in campen tyen olde vrancriicsche schilde des iaers guet van golde ende gherecht van ghewichte of @ guet ghelic payment daer voer an golde wt oeren drie ende dertich morghen landes die gheleghen siin in mastebroeke schet tusschen selen kinderen ende dier steghen mit torue mit twighe mit water mit weyde mit weghe mit aller @ s?chter n˚t ende mit allen oeren tebehoeren als si daer gheleghen siin Om een su_ma gheldes die hem die scepene van campe_ wittelike ende wal + betaelt hebben . dese tien olde vrancriicsche schilde jaerrenten vorsc_ alle iare te betalen op sente @ meertens dach in den winter eer iement daer iet wt boert . want die heleghe gheest vorsc_ die iersten boeringhe alle @ iare hebben sal / . Ende bernt ende Joncfer swanolt vorsc_ hebben voer hem ende voer hoere erfg_ verteghen van desen @ tien olden schilden jaerrenten vorsc_ ende sint daer wt ghegaen mit allen rechte Ende droeghen den scepenen van campe_ tot behoef des olden heleghen gheestes vorsc_ die voer mi op als ordel ende recht wisede Ende loeueden sie hem te waren @ wt desen lande vorsc_ toe eweghen daghen also dat die heleghe gheest vorsc_ daer neghenen onraet af liden en sal . Ende @ hier heeft die heleghe gheest vorsc_ enen leenbrief van die spreket oec van tien olden vrancriicschen schilden jaerrente_ @ die die heleghe gheest vorsc_ wt desen lande vorsc_ heuet mer die heleghe gheest vorsc_ en heefter niet meer wt @ (onleesbaar) al dan tien olde vrancriicsche schilde jaerrente_ mer beide die brieue siin daer omme ghemaket dat die heleghe @ gheest vorsc_ deser tien olden vrancriicschen schilden iaerrente_ vorsc_ vaste si hier waren ouer ende an alse koernoeten @ ?de ghe?ichteslude pilgrim voern Aernt holenberch Euert goessens soen goessen hirt ende Anders veel gueder lude tughe_ @ mede to gheropen ende ghebeden worden Al arghelist wt~gheseget Jn orconde der waerheit soe hebbic harma_ sch?lte vorsc_ miin seghel aen desen brief ghehanghen om beden wil van bernt ende joncfer swanolt vorsc_ Ende o_me @ (onleesbaar) vestenisse willen soe hebben wj bernt ende joncfer swanolt vorsc_ voer ons ende onse erfg_ onse @ s?ghele mede aen desen brief ghehanghen Om~dat alle pu_ten vorsc_ stade en_ vast zoele_ bliue_ en_ onverbroecke? Geg_ @ ? ?aer ons heren Dusent drie + hondert soeven en_ neghentich op alle godes helegen avent