Corpus Van Reenen-Mulder (CRM14): Oorkonde F596r39901

Wy hughe van den lare Johan van k˚enre h_en iohans soene en_ gosen schadeuelt bekennen mit desen apenen brieue dat wy mit ghesamender + hant onghescheiden ende elic voer al hebben gheloeft ende ghesekert in gueden trouwen willeme van rijsen en_ zinen erfghen_ of siinre ghebreke / ende hebben mit vpgherichten vingheren ghestaefds eedes ouer den hilghen ghezworen / alse~dat wij binnen viertennachten na dien daghe / dat onse here van utrecht in der + tijt hiir te lande gecomen is / dien vors_ willeme en_ sinen erfghename_ of siinre ghebreke / vesten soelen / den groten hof te ghietmen / gheleghen in den kerspel van vmmen / mit den nederzeghe ghehieten vrylings~guet / mit egghen mit eenden mit torve mit twijghe / mit water mit weyden mit alre slachter n˚t / en_ mit alle horen toe~behore_ alse desse vors_ erue ende guede in dier vors_ marcken te ghietmen gheleghen sin / ende den tyenden smal ende grof ouer die selue guede / also alse nyeze h_en ocken docht_ van doernic tot voertijts dier plach te ghebrukene en_ bij namen daer toe twe waren in dalmesholtermarcken / also als ic hughe vors_ ende mye miin witlike docht_ / die vors_ erue en_ guede erfliken en_ eweliken dien vors_ willeme witliken en_ wal hebben vercoft na inholt eens anders apenen brieues dien wij hughe ende mye siin docht_ vors_ hem daer vp beseghelt ghegheuen hebben . hiir is ynne te verstane dat wy hughe . iohan . en_ gosen vors_ / dien vors_ willeme en_ zinen erfg_ die erue en_ guede mit alle horen toe~behoren alse vors_ stiet . vesten solen also dat sie hem ten leenrechte ende ten lantrechte erfliken en_ eweliken vast en_ stede bliuen / en_ dat wij hem allen hinder en_ voerco_mer af~doen soelen voer alle die~ghene die des te rechte comen willen . Ende weert zake dat wy des nyet en deden / soe soelen wy tot maningen des vors_ willems / of siinre erfghenamen of siins ghewaerden baden ghedaen an onses selues antworde ofte tot dien huysen daer wi in der tijt binnenlands wonachtich sin en_ nyet vorder hij en willet doen . income_ binne_ die stat van deuent_ en_ daer nyet vyt scheiden enigherhandewijs / wy en hadden hem ten iirsten desse vors_ erue ende guede ghevestet / en_ alle punten vors_ ghehoelden en_ vollentoeghen in alre manieren alse vors_ is / bij onser zekerheit en_ trouwe / sonder arghelist Jn orconde des soe hebben wy onse seghele an desen brief ghehangen Gegeuen int Jaer ons heren dusent drie + hondert neghen ende neghentich vp den wittendonredagh