Corpus Van Reenen-Mulder (CRM14): Oorkonde F608r37502

@ @ Jc johan van der Eze doe kund allen luden dat ic om bede wille der Scepene en_ der ghemeente van herderwiic mit vryen @ wille ende mit ganssen berade ou_draghen bin mit den Scepen_ en_ ghemeente vorsc_ dat mi de Scepene vorscr_ @ alzulc g˚et als mi de stat van herderwiick sculdich is na jnhoelde der breue_ de mi de stat voerscr_ bezeghelt heeft wijzen @ moghen vp alzulc goet als de lude hebbe_ na m_rc~talen gheliic on zelue_ en_ daer moghen ze mi mede betalen gheliic of ze @ mi rede gelt gheue_ En_ alle de ghene de mi voldoen van allen t_minen na m_rc~talen van oeren goede als vorsc_ is de wil ic @ quiit~schelden ende schelde quiit van alre leystinge va_ koste en_ van allen scaden en_ onrade de on van den breue_ kome_ mach @ de mi de stat van herderwiick bezeghelt heeft . Ende vor nyemans scult behacht to wesen dan vor on selue_ alzo vere als ze mi @ van allen t_mine_ voldoet na allen manyren als vors_ is Voer @ siint vorwarde weert zake dat yeman vijt der stat voere of @ vor deser tiit vyt der stad ghevaren were ende niet voldoen en woude noch niet betalen en woude gheliic and_en poerters van @ allen termine_ na sine_ goede zo zold + ic siin goet holden vor alzulke schattinge als de Scepene mit der ghemeente vp on zetten na sine_ g˚ede . En_ daer zoelen mi de Scepene en_ de ghemeente vorsc_ in vesteghen en_ stedeghen thent der tijt dat mi @ den houestal mit den schaden witliic en_ wel betaelt is z˚nder enygherhande weder~zeggen al argelist hiir vyt ghenomen jn ke_nisse @ der waerheyt So heb ic miin segel @ an desen breef ghehange_ Ghegeue_ int jaer ons h_en Dusent drye + hondert viif en_ tseuentich vp @ Sinte Thomas dach des heylghen apostel .