Corpus Van Reenen-Mulder (CRM14): Oorkonde F608r40001

@ @ IC arnt van stapel doe kundich en_ kenlic allen luden die dessen brief zoelen zyen of ho_en lezen dat ic gheue en_ hebbe @ ghegheuen eene guede stede vaste zoene vor my en_ vor myne maghe johan voete en_ zine vrenden en_ euerts vijf~pen-ninghes mene_ maghen en_ allen den ghenen die ic of myne vrende myt redene_ daer vmme veden of haten moghe_ @ als van albert myne_ doeden broeder daer got de zele af hebbe . dien toe harderwijc we wart ghedaen daer + he ? af starf @ . hier hebben auer en_ an ghewezet als myne maghe johan stapelman toe hasselt . johan van stapel rolofs zoen . albert @ ziin broeder . willem ter lanchorst . en_ Gherbert zwart cot . van myner moeder weghen . en_ anders vele mynere @ maghe van beydens zyden . En_ ic arnt vorscr_ en_ myne mene maghe hebben ghebeden Euert guedeziing_ @ . En_ @ Gheert ter maet dat ze dessen breef a˚er vns willen bezeghelen En_ wy euert en_ gheert vorscr_ om bede @ wille arnds en_ ziinre mene maghe hebbe_ onze zeghele @ an dessen breef ghehanghen jn een tuych der waerheyt @ want wy daer mede aüer en_ an hebben gheweest . en_ anders veler guder lude . Ghegheuen jn + den jaere vns @ heren . duzent vier + hondert vp z˚nte johans dach baptisten .