Corpus Van Reenen-Mulder (CRM14): Oorkonde F633r33901

@ @ Wy Ruderic van voerst / en_ van keppel doen cond allen luden in desen bryeue / en_ betughen / dat wj belenet @ hebbet en_ belenen in desen bryeue / jhanne den Groten burgher to deuenter / tuschen tuelf morghen landes @ en elf morghen / vyt den guede to doedinghoue / gheleghen in den kirspel van wye in + der marke van wechterholte @ der drye morghen en_ ander + half hond ligghen vp + den Esche / en_ tuschen acht morghen / en_ neghen daer wouter Snoye @ an gheland is in der marke van herxem an dye ene sijd / en_ wolf van yttersem in der marke van wechterholte an @ dye ander sijd / mit tue en_ dertich roeden weteringhen dye to desen lande gheslaghen sin to goeder rekeninghe / to @ Sutphenschen rechte / to verherweyden mit / enen ponde / hir waren ouer en_ an vnse man herman Splitolf / en_ @ Gelys wenemers sone burghere to deuenter / en_ anders vnse man / jn orconde en_ in vestenisse des heb wj vnse @ seghel an desen bryefh doen hanghen ghe~gheuen int jaer vns heren dusent drye + hondert + / neghen en_ dertich des @ donredag_ na vnser vrouwen dach Assumptio - -