Corpus Van Reenen-Mulder (CRM14): Oorkonde F643r38301

@ @ Jc willem van steynberg_ Richter jn veluwen Doe kont en_ kenlic alle_ luden en_ tughe openbaer mit desen openne_ brieue dat vor mi @ en_ vor gherichts~lude die hier na bescreuen staen comen sijn int ghericht henric van aller seruaes zoen en_ gharselis @ sijn soen en_ @ diste sijn docht_ mit oren ghecoren mombaer die oer mit ordel en_ mit Recht ghegeuen w_t als henric oer vader voersc_ en_ hebbe_ @ mit oren vryen moet~wille ouer~ghegeuen en_ gheuen h_en wynolt Commeld˚er tot callenbroeck als tot behoef des goyts~huys @ van sunte johan tot Callenbroeck acht morghen torfveens in grawen~veen daer an die een side naest ghelant is fonck van + der weyde_ @ ende mitter ander sijden aen gherijts lande van vloewijc mitten enen eynde gheleg_ an henrix lant vorsc_ streckende mitten @ anderen eynde aen die laeck tot hoeflaeck mit egghen en_ mit eynden als dit vorsc_ veen geleg_ is zoe hebben sijt hem voer vpghedragen en_ hebben daer na op verteghen als dat ordel en_ gherichts~lude wijsden dat henric gherselis ende diste vorsc_ ende oer @ erven daer af onterft sijn en_ gheen Recht meer aen en behouden in gheenre + wijs en_ sal h_en wynolt voerg_ tot behoef des goytshuys tot callenbroec voersc_ ten lantrecht vaste en_ stede bliuen erfelic en_ ewelic te besitten Rustelic en_ vredelic te ghebruken @ tot alre + slacht_ not sonder enich weder~seggen voert soe heeft henric en_ gherselis voersc_ gheloeft en_ verwilkoert tot wilker tijt @ dat odelken henrics docht_ voersc_ tot oren jaren coemt ende m˚ndich worden is dat + sij die dan zoelen breng_ vor + den Richt_ van vel˚ ende doen opdracht en_ vertichnisse van desen voersc_ veen ghelijc dat sij voer ghedaen hebben w_t sake dat sij des nyet en @ deden soe wat hijnder of scaden her wynolt of dat goetshuys tot callenbroeck voerg_ dan daer bij leden dat soude hem henric @ en_ gharselis vorsc_ of oer erven op~richten en_ gelden tot hoers selues segg_ sonder enich weder~seggen en_ sonder argelist hier @ waren over als gherichts~lude johan van + der lawijc johan van briene_ engelb_ts soen en_ aernt te bocop die hier sonderling_ toe gheoop_t @ @ en_ onthacht worden en_ anders voele goeder lude diet mede hoerden en_ sagen jn oerkonde des briefs bezegelt mit mine_ zegel @ Geg_ @ jnt jaer ons heren dusent drye + hond_t drye end tachtentich op sunte andries avont