Corpus Van Reenen-Mulder (CRM14): Oorkonde F665r34902

@ @ Alle den ghenen die desen brief soelen sien of horen lesen . do wi verstaen . Euerd die man . henric ihans coninx sone . pouwels van den Sande . ghysebert scoute_ @ sone van den kelner . ghyselbert goetscalc . henric h_en ihans sone . ghysebert h_en euerds sone . Euerd ver lamborghe sone / gherid verken . en_ ghysebert Scoute @ Scepene tot amersfoerde . dat wi daer ouer en_ aen gheweest hebben . dat lubbert careman . Symon h_en lubberts sone . heyne Snyder . lubbe duuel . volquiin @ tkynt . Ture turen sone . herman voghel . heyneman peters sone . wouter louwe . en_ volquiin Tymans sone . gheloeft hebben / en_ ghewilkoert als Saecwoude_ @ en_ als borghen . an ons h_en hant van vtrecht bi eenre peen van dusent ponden alsullix payments als tot amersfoerde ghenghe en_ gheue is . . alsulke zone @ en_ beteringe . als hem onse h_e van vtrecht vorghenoemt ouer~zeggen sal . van allen twiste . stoet . en_ vete / die si . har maghe / en_ alle hare hulpers op die ene @ side ghehad hebben . tieghen . lambert henrix sone . en_ sine ome . als goden trude lamberts sone . ihanne . lambert / en_ ghyseb_t falien ghebroders en_ tieghe_ @ heyne hoefde ghysebert hoefts sone . haren maghen . en_ alle horen hulp_en op die and_ Side sonder archeyt . dat si die zone en_ beteringe houden soelen @ en_ voldoen . voert so heeft Rycout careman . gheloeft te + houden en_ te voldoene . al~sullic zeggen . als hem her ghysebert van lodensteyne preyster . en_ euerd die @ man . eendrechtelike ouer~zeggen soelen . van alre erftale . die hi . sine maghe . en_ sine hulpers hebben tieghen heyne hoefde ghuyseberts hoefts sone . sine maghe @ en_ tieghen sine hulpers bi der vorghenoemder peen . en_ waert Sake / dat die twe zeggers nyet ouer~droghen . So sal onse h_e van vtrecht / of die ghene dien @ hiit beueelt mit sine_ opene_ brieue . mit h_en ihanne van Culenborch h_e van woudenberch / en_ mit desen vorghenoemde_ tween zegg_en / ofte mit tween van @ hem drien . Rycoude en_ heyne hoefde vorghenoemt Scheyden . mit den besten rechte dat si daer in ghevinden ku_nen . En_ vor alle dese vorscreue_ punten @ te houden en_ te voldone . So hebben dese vorghenoemde Saecwouden en_ borghen . gheloeft an ons h_en hant van vtrecht vorghenoemt jn manieren . wie @ dat zeggen hielde . die were quiit van der peen / en_ wiet niet en + hielde die verboerde die peen . en_ daer vor hebben si gheloeft also dat + men die peen betalen sal . of dat si daer vor in soelen comen leysten tot am_sfoerde i_ ene herberghe . daer si onse h_e van vtrecht doet i_manen / daer niet vte + scheide_ ten were eerst voldaen van der peen die vorscreuen is . . waer oec dat Sake . dat van desen vorghenoemden Saecwouden ende borghen . enich storue eer die zone @ gheseghet were . So soude + me_ enen and_en weder setten in des doden stede . binne_ viertinachten na siinre doot . of die ander Saecwoude_ en_ borghe_ . @ + die te liue bliuen soelen daer vor in + comen leysten alse vorsproken is / also lange thent een ander weder gheset were in des doden stede . voert gheloefde @ Rycout careman dese vorghenoemde Saecwouden en_ borghen Scadeloos te + houden van der vorghenoemde peen . al ver als hem dat zeggen roert @ van erftale en_ voert van a_d__en Saken . Voert sint vorwarde . waert Sake / dat die vorghenoemde peen verboerd worde . So sal onse h_e van vtrecht van @ der heerlicheyt weghen daer af hebben . een derdedeel . die stat van am_sfoerde een derdedeel / en_ die zeggers een derdedeel . alle arglist wtgheseghet . . Jn Orconde des briefs beseghelt mit onsen Seghelen . Ghegheuen int iaer ons h_en dusent drie hondert neghen en_ viertich des donredagh_ @ na Sunte pouwels daghe Conuersio . . .