Corpus Van Reenen-Mulder (CRM14): Oorkonde F679r35001

WJ . Wilhm . zib_dynck . . . Sc˚lte . to . Sutphenne . Jn der stat . ende vpten lande Ende wj . . Geret zarbolt . Ende Lambert van vreden . Scepene to Sutphe_ne doen C˚nd . allen luden . Ende orc˚nden getrowelike mit dessen briue Dat vor ons comen js . jnt gherichte . en_ jn Scependoem . johan Boeynck mit aleyde . sijnre doght_ . en_ mit horen menen maghen van beyden sijden . alze Harman Ribbedynck . Gerede van der voerst : Euerde van hesewynck . Clawese oneconck . En_ wernere . to den haue : Daer vorghiede . en_ vorliede . johan vorsc_uen vor hom . en_ vor sijn doght_ . vor ons openbare . Dat . Sie . sculdich sijn . Erflike en_ Ewichlike . kerstiane van + den putte . en_ sijnen Erfgenamen . Twe en_ vijrtich g˚ldenre scilde . G˚et van golde . en_ van gerecht_ wighte . daer een den and_en . paght ende huere . mede magh betaelen . alle Jare to sente Martijns misse . jn + den wynt_ hoem . te gheuene en_ wael to betaelne . vyt den g˚ede to Noertveene . En_ vyt tween Meeden . waer af dye Ene gheheten js . dy horst . En_ dy ander js geheten . dy boeny_chermaet . ghelegen . jn + den kerspele van Sutphen_ . bi galgenberghe . w?lc g˚ed . en_ mede . johan vorsc_uen . to sijnre behoef En_ sijnre . Erfgenamen . van kerstiane vorsc_uen . tot jaerliker Erfpaght . vorsc_uen . genamen En_ onfanchen heuet . Voert . heuet . johan vorsc_uen . dat alynche g˚et . to boeynck . mit alle sijnen th˚~behore . also alst . hoem to~behoert . en_ sijnre doght_ . jn + den darpe to Rijsele jn + de_ kerspele to werensfelde gelegen . jnt g˚et to Noertvene . en_ jnt lant vorsc_ue_ gheleeght . jn dessen vorwarden . weert dat . kerstian . of sijn Erfgename . ghebrec . hadden t˚t enichen tiden . jn hoere pensien . en_ pacht . vorsc_uen . also dat hoem dye tot hoeren t_mijnen . vorsc_uen . niet en w˚rde . v˚l . en_ al . So moghen kerstian . en_ sijn Erfgenamen . t˚t allen tiden . hor pacht . en_ hor gebreck daer af jn + den g˚ede to boeynck . z˚ecken . En_ daer penden . en_ verhalen . al hor gebreck t˚t allen tiden . sonder enich weder~zeghen . ghelike . dat die vyt den and_en g˚de en_ lande . vorsc_uen . moghen doen . . Voertmeer . hebben . johan . En_ sijnre doght_ maghe van beyden sijden . vorghenoemt . becant . en_ vorliet . vor ons . kerstiane . en_ (-) Erfnamen . desser Erfpacht . en_ alle . vorwarden . vorsc_uen . En_ hijr om . So hebbe_ johan . en_ aleyt . sijn doght_ . mit joha_ne . En_ bi sijnre hant . hors gerechten Mombaers en_ vormonders . En_ bi wille . Rade . En_ ghehete hoere maghe vorsc_uen . vp dye erfpacht . en_ vp alle vorwarden . vorsc_uen . vry vorthegen . alse Sie mit reghte vortijden zolden . to beh˚ef en_ jn orbare kerstians . en_ sijnre Erfgenamen . na allen vorwarden En_ maniren . alse dye and_e brijf sprekt . daer onse thegenwardeghe brief doer + steken is . Jn Orcu_de alre p˚nthen vorsc_ue_ hebbe wj onse segele an dessen brief ghehanchen . . Ghegheuen jnt jaer ons h_en Duse_t Dry h˚nd_t . en_ vijftich . des dynxdaes na ons h_en Hemmelvaert - - -